Охрид, 2. декември 2024 (ОХРИДПРЕС) – Лила Каранфиловска од ООУ „Св. Наум Охридски“ од Пештани е прогласена за најдобар наставник на седмата регионална Конференција на најдобрите наставници, директори и образовни лидери во регионот во Велика Горица, Хрватска.
Целта на конференцијата беше да се поттикне регионално вмрежување на најдобрите едукатори, наставници, професори, стручни соработници.
– Иновативната работа на овие наставници е двигател и иницијатор на формални образовни реформи, на кои се повикуваат сите земји во регионот. На конференцијата присуствуваа повеќе од 200 наставници од Босна и Херцеговина, Република Србија, Република Македонија, Хрватска, Црна Гора и Словенија. Македонскиот тим од 45 просветни работници, се врати дома со двајца нови полноправни членови на Асоцијацијата, седум признанија за најдобри наставници, едно признание за најдобар директор, три признанија за најдобри штандови на Саемот на образование и признание за најдобар амбасадор за Ксенија Маказлиева- Трајческа. Со големо задоволство и гордост ќе го понесам ова признание за Најдобар наставник во регионот од Асоцијацијата на најдобри наставници и лидери во регионот, вели Каранфиловска.
Додава дека е среќна што за името на нејзиното училиште ООУ „Св. Наум Охридски“ од селото Пештани и нејзиниот сакан Охрид се слушна во Хрватска.
– Конференцијата заврши со доделување на сертификати на учесниците на конференцијата. Ова беше уште една можност најдобрите наставници од регионот да се соберат, да ги разменат своите идеи и искуства, да ја претстават својата работа и училиште, како и земјата од која доаѓаат. Следната, осма по ред Конференција ќе се одржи во прекрасниот Охрид, градот кој лулка на словенската писменост и култура. Светот на образованието ги брише границите, потенцира Каранфиловска. (Крај)
извор: ОхридПрес фото: архива
