Париз, 6. јули 2018 (ОХРИДПРЕС) – Македонската кошаркарска репрезентација доживеа пад од една позиција на последната ранг листа која ја објави меѓународната кошаркарска федерација (ФИБА).

Ние со вкупно 187.6 поени сме на 40 место што значи имаме пад од една позиција во однос на претходниот објавен ранкинг на ФИБА. Кога е во прашање Европа ние сме на 22 место зад селекцијата на Велика Британија.

Следните наши противници во претквалификациите за Евробаскетот во 2021 година, репрезентациите на Косово и Романија се послабо рангирани од нас, па така првите се 81 на светот, а вторите го држат 58. место.

На врвот немаше промени, па првата петка е резервирана за САД, Шпанија, Франција, Србија и Аргентина. (Крај)

извор: Дерби фото: архива