Скопје, 5. ноември 2021 (ОХРИДПРЕС) – Министерството за здравство ја објави анализата на вакцинирани, од позитивни случаи со COVID-19, во период од 6-ти август заклучно со 4-ти ноември. За вакцинирани се сметаат лицата кои се вакцинирани со две дози и поминале најмалку 14 дена од примање на втора доза вакцина.

– Во период од 06.08 до 04.11.2021 на територија на државата 48.955 граѓанин, се позитивни од тестирани на COVID-19, од нив 28% биле целосно вакцинирани, односно 13.886 лица. Голем е бројот на невакцинирани граѓани кои се заразиле со COVID-19. Според статистика за изминативе два месеци, 35.069, граѓани, односно 72% од позитивните на COVID-19 не биле вакцинирани. Процентот на хоспитализирани лица кои се невакцинирани изнесува 78%, додека само 22% од сите моментално хоспитализирани пациенти се целосно вакцинирани. Смртноста кај невакцинираните е драстично поголема, покажува анализата. Во период од 6.08 до 04.11.2021 на територија на државата починале 1.688 пациенти со COVID-19, 1.376 пациенти од починатите, односно 82% не биле вакцинирани, а само 18%, односно 312 примиле вакцина. Според анализите починатите имале повеќе комбинирани хронични заболувања. Пациентите биле вакцинирани со сите типови вакцини кои ги има на располагање кај нас, велат од министерството.

Оттаму со апел до граѓаните да се вакцинираат, за да дојдеме до постигнување колективен имунитет и да спречиме ширење на мутации на SarsCov2. (Крај)

извор: Министерство за здравство фото: архива