март 4, 2017

Охрид, 4. март 2017 (ОХРИДПРЕС) – Од 2-ри до 5-ти јуни годинава во Охрид ќе се одржи фолклорниот фестивал на народни песни и игри „Охридски бранови“.

Минатата година се одржа јубилејниот 10-ти меѓународен фолклорен фестивал „Охридски бранови“, а годинава ќе има посебен дел за ветеранските групи од фолклорните ансамбли, кои ќе земат учество на фестивалот. Целта на фестивалот е презентација на фолклорот и традицијата на што поголем број на фолклорни друштва и ансамбли од широки размери. Истиот ќе биде од ревијален карактер. Организаторите повикуваат дека можат да се пријавуваат и фолклорни пејачки групи.

Минатата година имаше учество на групи од Велика Британија, Полска, Бугарија, Турција и други земји. (Крај)

извор: ОхридПрес фото: архива

@OhridPress – Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука