Охрид, 15. јули 2024 (ОХРИДПРЕС) – Деби-албумот на македонскиот кантавтор и мултиинструменталист Иван Кукиќ насловен „Sunday vibes“, под закрилата на Croatia Records конечно ја здогледа светлината на денот.

Албумот содржи десет песни, од кои две се објавени како синглови „Балада за една љубов“ и „Друмови“.

Иван Кукиќ е авторот кој стои зад најголемиот дел од материјалот на албумот, кој го красат интересни соработки; песната „Пружам руке две“ ја отпеа со Дадо Топиќ, „Sunday vibes“ со Влатко Стефановски, „Life of Jupiter“ со групата Јупитер, „Music philosophy“ со Теодоси Спасов, „Зрно наде“ со Сакис Доволис, а интересниот сингл „Балкан фанк“ е создаден со Џамбо Агушев и Јан Стефановски.

Иван студира музичка продукција и дизајн на звук, а свири на дури шест инструменти: гитара, тапани, пијано, контрабас и народни инструменти, компонира, аранжира и пее. Иако е многу млад, овој љубител на музиката често настапува низ регионот, а беше и дел од неколку меѓународни натпревари. (Крај)

извор: ОхридПрес фото: архива