Охрид, 3.февруари 2015 (ОХРИДПРЕС) – Слатинското Езеро повторно се полни со вода како резултат на обилните врнежи од дожд и снег кои наврнаа во текот на изминатиот период.

Надлежните смируваат дека нема опасност бидејќи претходно оваа вештачка акумулација беше испразнета, а доколку се заканува излевање, жителите кои живеат во близина ќе бидат навреме предупредени и по потреба евакуирани.

Познавачите на приликите велат дека нивото на водата може да доживее нагло зголемување при наглото топење на снегот.

На оваа вештачка акумулација пред две години и се закануваше опасност од прелевање поради напукнатата земјена брана. Загрозени беа жителите кои живеат во близина на езерото.

Земјената брана е изградена во 1963 година и често поради материјалот од којшто е направена, попушта при временските неприлики. (Крај)

извор:ОхридПрес фото: Република