Охрид, 17. декември 2024 (ОХРИДПРЕС) – Во ЈОУДГ „Jасна Ристеска” е набавена нова опрема и машини, со кои значително ќе се подобри квалитетот на храната за 1.200 дечиња во градинката и ќе се олесни работењето на персоналот во кујна кои секојдевно ја приготвуваат храната.

– Целосно е реновирана централната кујна која ја подготвува храната за сите објекти на градинката. Набавени се и нови индустриски машини за перење и сушење во пералната, кои не биле обновени од отварањето на градинката. Обезбедени се машина за миење чинии, фрижидер за замрзување од 700 литри, фрижидер за замрзнување од 1.400 литри, фрижидер за одржување од 700 литри, шпорет со 4 рингли и фурна, индустриска машина за перење облека од 15 килограми, индустриска машина за сушење облека од 14 килограми, дебуратор од 12 литри и инокс подлога, информираат од Општина Охрид.

Додаваат дека за оваа инвестиција се обезбедени 1.126.216 денари од блок дотација и 520.110 денари од сопствени средства. (Крај)

извор: ОхридПрес фото: архива