Охрид, 30. јули 2017 (ОХРИДПРЕС) – Опожарени се пет палми, заедно со тревникот околу нив, лоцирани на пешачката патека во Охрид.

До овој момент нема потврдени информации за причините поради кои настанало опожарувањето и дали се работи за „дело“ на неодговорни поединци кои опожариле дел од прескапо платените дрвја поставени во овој дел на градот.

Во Охрид беа засадени 200 влакнести палми, набавени од Кина, кои беа посадени низ централното градско подрачје, по шеталиштето на градскиот кеј, како и покрај пешачката патека, во непосредна близина на Центарот за обука на вода на АРМ и Станицата на езерската полиција.

Секоја од засадените палми вреди 500 евра, а Јавното претпријатие „Македонски шуми“ набави околу 1.000. (Крај)

извор: ОхридПрес фото/видео: ОхридПрес