Охрид, 2. септември 2023 (ОХРИДПРЕС) – Професионалниот нуркач Јован Секулоски од Нуркачкиот клуб „Амфора“ од Охрид беше дел од Тв серијата наречена „Sources of Life“ на телевизијата ARTE.

Станува збор за Тв серија од седум епизоди која е посветена на Европските езера, меѓу кои е и нашето – Охридското Езеро.

– Во серијата се истражуваат убавините на езерата во текот на целата година, природата, уникатната флора и фауна, но и влијанието на климатските промени врз екосистемот и што конкретно може да се направи за да се поправат овие ефекти, вели Секулоски.

Првата сезона ќе се емитува на Француско-Германскиот Тв канал ARTE, посветен на културата оваа езен, а втората сезона ќе се емитува следното лето. (Крај)

извор: ОхридПрес фото: НК „Амфора“