Охрид, 30. јуни 2017 (ОХРИДПРЕС) –  Во Куќата на Уранија во Охрид до 28-ми јули ќе се одржува традиционалната манифестација „Научна и уметничка визита“, во организација на Македонската академија на науките и уметностите.

Според програмата за оваа манифестација од денес до недела ќе се одржува лингвистичка работилница на Истражувачкиот центар за ареална лингвистика (ИЦАЛ).

За 6-ти јули е закажана работилницата „Културната антропологија и социологија“, која се организира заедно со Филозофското друштво на Македонија.

На 10-ти  јули ќе се одржи уште една работилница на тема „Балканските и европските дискурси за естетиката и симбологијата“, додека пак на 15-ти  јули предавање на тема „Илјада години од живописувањето на Св. Софија“ ќе одржи академик Цветан Грозданов.

Во рамки на манифестацијата, а по повод 80 години од раѓањето на академик Васко Ташковски, на 20-ти јули ќе биде отворена изложба на акварели.

Академикот Иван Катарџиев на 26-ти  јули ќе одржи предавање „71 година од добивање културна автономија на Пиринска Македонија“,на 28-ми  јули ќе има поетско-ликовна вечер, а ќе се одржи и промоција на книгата „Извештаи на рисот“ на проф.д-р Иван Џепароски. (Крај)

извор: ОхридПрес   фото: архива