Охрид, 3. август 2019 (ОХРИДПРЕС) – Охрид го живее шпицот на сезоната, а продолжениот празничен викенд го наполни градот скоро до последното место.

Во градот под Самуиловата тврдина уживаат бројни туристи од земјата, но и надвор од неа.

По бурните ноќни забави, прекрасниот сончев ден, со температури кои се очекуваат да се искачат до 32. степен, гостите сакаат да го искористат да се изладат во езерските води, на некоја од популарните охридски плажи.

На нив денес се бараше место повеќе, но вистински проблем беше доаѓањето до нив, а секако и паркирањето. Големата гужва и неколкуте „тесни грла“ на патот Охрид-Св. Наум направија и денес, како и деновиве наназад сообраќајот да се одвива отежнато.

Слична слика не очекува барем до утре, после што се очекува намалување на бројот на туристите. (Крај)

извор: ОхридПрес фото: Аника Метикош