Охрид, 12. октомври 2021 (ОХРИДПРЕС) – Бизнис заедницата е важен партнер на општината и ние продолжуваме да работиме на активности кои ќе ја унапредат бизнис климата. За да ги поддржиме идеите за отпочнување на бизнис ќе направиме регистар на сите компании и дејности кои се регистрирани во нашата општина, истакна на денешната прес конференција Марија Питошеска, кандидат за советник од СДСМ и коалицијата „Најдоброто за мојата општина“.

Потенцира дека ќе биде отворена канцеларија за техничка поддршка за подготовка на документи за старт ап бизниси и нови инвестиции. организирани обуки за занаети, вклучувајќи ги и традиционалните и современите.

– Новите инвестиции и стартапи ќе имаат на располагање личен административец од општината, службеник кој ќе им асистира во административните постапки, со цел да обезбеди завршување на сите процедури во најкраток рок. Ќе продолжиме со спроведување на мерки за поддршка за дополнителна едукција на граѓаните. Во туристички град, каков што е Охрид, познавањето на англискиот јазик е неопходно. Затоа ќе креираме програми за изучување на англискиот јазик за сите заинтересирани лица од сите возрасти, покривајќи половина од трошоците. Предвидуваме организирани обуки за занаети, вклучувајќи ги и традиционалните и современите. Преку нив, им помагаме на граѓаните да се стекнат со нови вештини и знаења и да започнат свој бизнис. Општината ќе партиципира со половина од трошоците за овие обуки, рече Питошеска. (Крај)

извор: ОхридПрес фото: архива