Охрид, 25. октомври 2021 (ОХРИДПРЕС) – Повторно забележано намалување на водостојот на Охридското Езеро.

Според денешните мерења на Управата за хидрометеоролошки работи на Република Македонија (УХМР) нивото сега е на 14 сантиметри под просекот за октомври (693,28 м.н.в) и само четири сантиметри над минимално дозволеното ниво (693,10 м.н.в).

Мерењата покажуваат дека за една недела нивото е намалено за четири сантиметри. Метеоролозите не најавуваат врнежи од дожд во текот на оваа недела, па тоа би водело и кон дополнителен пад на водостојот.

Што се однесува до температурата на езерската вода, денес се измерени 15 степени, што е за 1,8 степени под октомврискиот просек.

Времето денес сончево време со променлива облачност, која ќе биде поголема во јужните делови. Ќе дува слаб до умерен ветер од југоисточен правец.

Mаксималната температура во Охрид ќе се искачи до 12. степени.

– Денес ќе биде свежо со пониски утрински температури, кои утре наутро понекаде ќе се спуштат на некој степен под нулата. Наутро понекаде во котлините ќе има услови за појава на магла. До средината на работната недела ќе преовладува сончево време со мала облачност, а потоа ќе има зголемена облачност во јужните делови. Од четврток утринските температури во поголемиот дел од земјата ќе се покачат за неколку степени, информираат од УХМР. (Крај)

извор: ОхридПрес фото:ОхридПрес/УХМР