Охрид, 22. јуни 2024 (ОХРИДПРЕС) – Откако неодамна сними верзија на синглот „Titanium“ на David Guetta и Sia, охриѓанецот Петар Маркоски продолжува понатаму со обработка и на „A Thousand Years“ на Christina Perri од 2011 година.
Песната оригинално беше дел од soundtrack-от на „The Twilight Saga: Breaking Dawn Part 1“, каде се опева љубовната врска помеѓу Edward и Bella.
Ова е само продолжение на успесите на Петар, кој благодарение на својот шарм и виртуозноста на виолина на својот Instagram профил брои повеќе од два милиони следбеници.
Дел го паметите и по неговите настапи од времето на „М2 Потрага по ѕвезди“, а можеби пак го препознавате токму по неговите волшебни видеа на неговиот профил на Instagram. (Крај)
извор: ОхридПрес фото: архива
