Охрид, 27. ноември 2024 (ОХРИДПРЕС) – Во Прличевата одаја при НУ Библиотека „Григор Прличев“ Охрид, предавање на тема: „Генетика на телото и душата“, утре ќе одржи познатиот српски писател Милан Николиќ Изано.

Милан Николиќ Изано е автор на духовна и езотерична литература преку која со пишаниот збор допира до секоја душа и ја буди. До сега има напишано шест книги користејки најразлични кодови и шифри, така што читателот преку секоја прочитана книга, може сам да дојде до својата вистина. За себе знае да каже дека е експеримент на самиот себе на својот духовен пат и вели дека главна цел на секој човек е да се бави со самиот себе.

– На ова предевање ќе зборува за тоа како да бидеме емоционално интелигентни, за да можеме да го отвориме своето срце, душа и ум и да живееме поквалитатно, информираат организаторите.

Ова е второ гостување на Изано во Охрид и во Библиотеката. Во јануари 2018 година тој ги презентираше своите книги и одржа предавања на тема: „Духовност и еротика“ и „Тишината на се’ човекот. (Крај)

извор: ОхридПрес фото: архива