Охрид, 22. декември 2024 (ОХРИДПРЕС) – На 21-ви декември 2024 година, во 22:30 часот во СВР Охрид, било пријавено дека на улицата „Стив Наумов“ во Охрид, патничко возило марка „БМВ“ со охридски регистарски ознаки, управувано од страна на 42-годишно лице, удрило во 41-годишен пешак, двајцата од Охрид, по што го напуштило местото на настанот.

– По преземени мерки од полициски службеници, возачот на возилото е пронајден и лишен од слобода. Во несреќата со тешки телесни повреди се здобил пешакот, констатирани во Специјалната болница „Св. Еразмо“ во Охрид. Извршен бил увид од увидна екипа на СВР Охрид, информираат од МВР. (Крај)

извор: МВР фото: ОхридПрес