Охрид, 13. јули 2017 (ОХРИДПРЕС) – Вчера околу 15:30 часот во езерските води на почетокот на плажата „Фиеста“, во туристичкиот комплекс „Св.Стефан“, откриено е безживотно машко тело.

По извршениот увид на местото на настанот предводен од јавен обвинител  и полициски екипи, констатирано е дека се работи за  лицето  Божидар О. (80) од Прилеп. Тој, според првичните сознанија, имал одредени здравствени проблеми а смртта настапила при неговото влегување во вода.

Медицинска екипа од Итната медицинска помош од Охрид, констатирала смрт а на телото на починатиот не се забележани траги на насилство. По  наредба на Јавен обвинител телото е предадено за обдукција. (Крај)

извор: СВР Охрид    фото: архива