Охрид, 27. март 2017 (ОХРИДПРЕС) – На 22-ри април во хотел „Дипломат“ во Охрид, мотивацискиот говорник Снежана Билко ќе ја одржи Вортекс работилницата под наслов: „Бидете креатори на сопствениот живот“.

– Оваа работилница ја подготвувам со една посебна возбуда, бидејќи ќе се претставам себеси како мотивациски говорник во својот роден град. Ние сме дојдени на овој свет да бидеме креатори. Ние сме креатори, само што некој е свесен, а некој е несвесен креатор. Живеејќи во ова тешко и демотивирачко време, многу луѓе дозволуваат да паднат духовно и да доживеат падови во нивните животи кои оставаат длабоки траги и им претставуваат една огромна препрека за понатамошно секојдневно животно функционирање, вели Билко во пресрет на работнилницата.

За сите учесници работилницата ќе биде интерактивна, ќе бидат истакнати повеќе методи на присутните гости кои ќе земат и свое учество. (Крај)

извор: ОхридПрес фото: архива