Ротердам, 12. февруари 2017 (ОХРИДПРЕС) – Рафаел Надал го откажал учеството на тенискиот турнир во Ротердам и таа одлука викендов им ја соопштил на организаторите.

Причина за отсуството на најавениот Шпанец кој требаше да биде најголема ѕвезда, е неговиот замор по настапот на Австралија Опен и желбата да биде што подобро подготвен за следните турнири.Натпреварувањето во холандскиот град стартува следната недела, а по откажувањето на Надал ,најдобро пласиран тенисер според АТП ранкингот ќе биде Марин Чилиќ.

АТП турнирот во Ротердам е од серијата 500 и се игра за награден фонд од 1,478,855 евра. (Крај)

извор: Спорт ТА фото: архива