Охрид, 2. јуни 2017 (ОХРИДПРЕС) – Дебарско-кичевската епархија ги известува православните верници дека во недела, на 4-ти јуни, во црквата „Света Троица“ во населбата „Црногорци“ – Охрид ќе се служи света архиерејска литургија, по повод празникот „Слегување на Светиот Дух – Духовден (Св. Троица) – Педесетница“.

Со литургијата која ќе започне во 09:00 часот ќе чиноначалствува Неговото Високопреосвештенство митрополитот Дебарско-кичевски и Администратор Австралиско – сиднејски г. Тимотеј.

Во понеделник, на 5-ти јуни, со почеток во 09:00 часот ќе се служи света архиерејска литургија по повод празникот „Духовден“ (втор ден) во катедралниот храм „Света Софија“ во Охрид. Ќе чиноначалствува Неговото Високопреосвештенство митрополитот Дебарско-кичевски и Администратор Австралиско – сиднејски г.Тимотеј.

На овој ден богослужба ќе има само во црквата „Св. Софија“ во Охрид (едноцрквие). (Крај)

извор: МПЦ фото: архива