Охрид/Струга, 29. октомври 2021 (ОХРИДПРЕС) – Скоро сите порти на истекот во Струга деновиве се отворени, а Охридското Езеро денес е на кота од само +3 см над дозволениот минимум.
Според денешните мерења на Управата за хидрометеоролошки работи на Република Македонија (УХМР) нивото денес е на кота од 693,13 м.н.в., односно на 15 сантиметри под просекот за октомври (693,28 м.н.в) и само три сантиметри над минимално дозволеното ниво (693,10 м.н.в).
Температурата на езерската вода денес е 13,5 степени, што е за 3,3 степени под октомврискиот просек.
извор: ОхридПрес/УХМР фото: ОхридПрес
