Охрид, 6. август 2024 (ОХРИДПРЕС) – Во годината кога Скопско слави 100 години, активностите во рамки на долгорочната платформа за општествена одговорност „Наша гордост. Наша одговорност.“ продолжуваат со полна пареа.

Вчера започна новата инсентив програма во рамките на Екомак апликацијата, насочена кон наградување на корисниците за селекција на отпад (пластични амбалажи и лименки).

– Учесниците ќе добиваат по 5 зелени поени за секое парче селектиран отпад од Скопско и Скопско Smooth амбалажите, кои понатаму можат да ги искористат/реализираат во листата на објекти наведени во апликацијата. Кампањата ќе започне со новите вендиг машини за селектирање на отпад кои неодамна беа поставени во Охрид и Струга. Во првите две недели од поставувањето на новите вендинг машини во Охрид и Струга, беше забележано значително зголемување на активностите за селектирање отпад. Резултатот е неверојатен, 18.000 амбалажи селектирани за само две недели. Ентузијазмот на заедницата постави позитивен преседан за претстојната инсентив програма. Ги покануваме сите корисници на Екомак апликацијата да учествуваат, да заработуваат зелени поени и да придонесат за почиста животна средина, порачуваат одговорните.

Додаваат дека во периодот од 5-ти до 15-ти август 2024 година, програмата за екстра поени ќе биде достапна само на четирите вендинг машнини во Охрид и Струга.

– Од 16-ти до 30-ти септември програмата ќе се прошири и ќе биде достапна на сите активни вендинг машини низ целата земја. Во акцијата за подигнување на свеста за селектирање отпад се вклучија бројни познати лица и инфлуенсери од македонската сцена, а токму на оваа тема актерот Александар Михајловски подготви едукативно видео за тоа како правилно се селектира отпад, додаваат од Скопско. (Крај)

извор: ОхридПрес фото: архива