Охрид, 5. март 2018 (ОХРИДПРЕС) – На езерскиот брег исплива нашата еколошка свест.

Поројните дождови кои го зафатија охридскиот регион во изминативе денови и нестабилното време проследено со силен ветер, освен што предизвикаа висок водостој на реките и притоките кои се влеваат во Охридското езеро, со себе донесоа големи количини тешко разградлив отпад (пластични шишиња и друга пластична амбалажа, најлон кеси, картонска амбалажа и др.) кои испливаа на површина како неми сведоци за ниската еколошка свест на населението кое депонира отпад по речните корита.

Службите на ЈП „Охридски комуналец“ викендов презедоа вонредни активности за расчистување на крајбрежниот појас и кејот на потегот од пристаништето до Холандскиот парк.

Со оглед на временските услови, работниците вонреден ангажман на кејот ќе имаат и во наредните денови, информираат од Комуналец. (Крај)

извор: ОхридПрес фото: Охридски комуналец