Охрид, 4. јуни 2017 (ОХРИДПРЕС) – Со настапот на театарската група од Црвен крст – Крагуевац и оригиналната изведба на претставата „Руски рулет“, синоќа во предворјето на црквата „Св. Софија“ беше спуштена завесата на четвртото издание на  Младинскиот аматерски театарски фестивал „Вдиши театар“, кој од 1-4 јуни се одржа во Охрид.

– Талентираните крагуевчани на оригинален и креативен начин прикажаа една современа семејна драма во која се преплетуваат емоциите, проблемите и искушенијата и се истакнува еден, се почест проблем на денешницата, семејното насилство и последиците од него, порачаа организаторите.

И оваа година фестивалот „Вдиши театар“ ги исполна очекувањата на организаторот Црвен крст Охрид, а ценејќи според  интересот, посетеноста и позитивните реакции и коментари на публиката, овој фестивал го најде и оправда своето место во охридскиот културен простор. (Крај)

извор: ОхридПрес фото: архива