Скопје/Охрид, 31. март 2017 (ОХРИДПРЕС) – Нова песна зад која како автори се потпишуваат Панчо и Лазар Цветкоски, ќе ја збогати дискографијата на дуото ДНК.

Видеото е во реализација на Даниел Јовески.

Како што најавуваат членовите на дуото, приказната во новото видео на Панчо и Андреј е за темата со наслов „Невозможна мисија”.

Сцените се снимени на неколку локации во Охрид и во неговата околина, поточно во објектот на „Мистер Ај“ и во селото Лакочереј. Приказната, пак, всушност е битка за љубовта на убавата девојка.

Премиерата на темата и спотот за „Невозможна мисија“ е закажана на втори мај, месецот во кој двоецот го закажа и својот славенички концерт, и тоа на 12 мај во „Метрополис арена“. (Крај)

извор: ОхридПрес фото: архива