Охрид, 30. декември 2023 (ОХРИДПРЕС) – Со впечатлива новогодишна тематика, многу весела музика и шеги, театарскиот хит за деца „Далматинко и Дедо Мраз“ денеска ги израдува дечињата и ги стопли срцата на возрасните кои беа присутни на Градскиот плоштад во Охрид.
Преку својата професионална игра, актерите Магдалена Ризова-Черних, Сашо Ристовски и Бранко Атанасов, пренесоа прекрасни пораки за другарство, искреност и љубов.
Празничната програма за најмладите на Градскиот плоштад во Охрид продолжува и утре со музичко-театарскиот спектакл „Новогодишна детска бајка“ со почеток во 12:30 часот. (Крај)
извор: ОхридПрес фото: архива
