Охрид, 11. февруари 2015 (ОХРИДПРЕС) – Во Охрид продолжуваат хуманитарните акции и концерти за помош на жителите од поплавените подрача во Македонија.
На иницијатива на младите членови на бендот Limitless, во петок, 13-ти февруари, ќе се одржи уште еден хуманитарен концерт. Бендот ќе ја забавува публиката со богар и разновиден репертоар на песни, кои ги исполнуваат. Забавата е во соработка со Црвен крст Охрид.
Освен бендот Limitless, гости на овој настан ќе бидат Steel Snakes, BC Generacija и Александар Јосифоски.
– Хуманитарната забава е за помош на жителите од поплавените подрача во Македонија. Дојдете да се забавуваме, бидете хумани и донирајте, повикуваат членовите од бендот Limitless.
Забавата ќе биде со почеток во 21 часот во Госип лаунџ бар. (Крај)
извор: ОхридПрес фото: архива
