Индијан Велс, 20. март 2017 (ОХРИДПРЕС) – Роџер Федерер стана најстар победник во историјата на Мастерсот во Индијан Велс, откако во финалето го победи својот сонародник Станислас Вавринка со 2-0 во сетови 6-4,7-5.

Ова е петта титула за Федерер на Индијан Велс, јубилејна 50.титула на турнирите од Мастерс 1000 серијата, и вкупно 90.во кариерата.

Кај дамите титулата ја освои Елена Веснина откако славеше во финалето против сонародничката Светлана Кузнецова со 6-7,7-5,6-4.Русинката  ја освои највредната титула во досегашната своја кариера, во која има вкупно три трофеи од ВТА турнирите. (Крај)

извор: Спорт ТА фото: архива