Охрид, 20. мај 2023 (ОХРИДПРЕС) – Црвен крст Охрид, за потребите на Центарот за безбедност на вода објавува повик за пријавување на кандидати за курс/обука за спасители на отворени води.

Обуката, која ќе ја водат национални инструктори за безбедност на вода според стандардите на Меѓународната Федерација за безбедност на вода (ILSF), содржи теоретски и практичен дел, а ќе се реализира од 23-ти до 30-ти јуни 2023 година.

Заинтересираните кандидати треба да ги задоволуваат следните услови и барања:

– Да се постари од 17 (да достават соодветен доказ, извод на родени, лична карта)
– Да знаат да пливаат и да имаат психо-физички предиспозиции за спорт
– Да обезбедат и достават Потврда за здравствена способност за обавување спорт и спортски активности, не постара од 6 месеци, издадена од соодветен лекар или здравствена установа.

Повикот трае од 10-ти мај до 18-ти јуни 2023 година, а кандидатите можат да се пријават во просториите на Црвен крст Охрид, улица „Димитар Влахов“ бр. 52, Охрид, секој работен ден од 09:00 до 15:00 часот, на телефоните 046/261-909 и 070/315-309 или со пополнување на пријавата на линкот.

– На сите кои успешно ќе ја завршат обуката и се стекнат со звање спасител на вода, Црвен крст Охрид ќе им обезбеди и понуди платен ангажман како спасител на вода на соодветни капалишта во летната сезона 2023. информираат од охридскиот Црвен крст. (Крај)

извор: ОхридПрес фото: архива