Охрид, 14. јануари 2025 (ОХРИДПРЕС) – Поради снежниот бран што го зафати охридскиот регион, подигнувањето на комунален отпад е отежнато, информираат од ЈП „Охридски комуналец“.

– Многу локации што се предвидени за подигнување на комуналниот отпад, се тешко пристапни за нашите специјални возила и оневозможено е нивното слободно движење. Од тие причини во овие неколку денови, подигнувањето на комуналниот нема да се реализира со интензитет и динамика која е предвидена согласно годишната програма за работа. Се надеваме на разбирање од граѓаните и правните субјекти, додаваат од претпријатието.

По стабилизирање на состојбата велат дека подигнувањето на комуналниот отпад ќе се реализира согласно пропишаната динамика. (Крај)

извор: ОхридПрес фото: архива