Скопје, 27. мај 2020 (ОХРИДПРЕС) – Денеска Институтот за јавно здравје регистрира 17 оздравени пациенти, информираат од Министерството за здравство на Република Македонија.По градови:

– Скопје 11
– Куманово 4
– Тетово 1
– Велес 1

На Клиниката за инфективни болести и фебрилни состојби почина пациент од Струга (58 години) и пациент од Скопје (47 години) и двајцата долго време поставени на механичка вентилација. Во ГОБ „8 септември“ почина пациент од Тетово (41 години) хоспитализиран на 19-ти мај.

Во текот на последните 24 часа направени се 622 тестирања, а регистрирани се 25 нови случаи на ковид-19.

– Скопје 14
– Куманово 2
– Штип 4
– Прилеп 1
– Тетово 2
– Струга 1
– Велес 1

Досега во земјата се направени вкупно 26.463 тестирања на COVID-19. Од вкупниот број направени тестови во изминатото деноноќие 251 тест е во рамките на скринингот во градинки и геронтолошки установи. Тестирањата се направени преку Центрите за јавно здравје во Кочани, Куманово и Скопје, а регистриран е еден позитивен случај во геронтолошка установа во Скопје. Досега преку скрининг направени се 2.680 тестирања на COVID-19, а регистрирани се вкупно три позитивни случаи на вирусот.

Вкупната бројка на COVID-19 дијагностицирани во нашата земја од почетокот на епидемијата изнесува 2.039, бројката на оздравени пациенти е 1.470, на починати е 119, а во моментов бројот на активни случаи во земјата изнесува 450. (Крај)

извор: Министерство за здравство фото: Министерство за здравство