Во Струга ќе се отвори основно музичко училиште

Струга, 31. јануари 2020 (ОХРИДПРЕС) – На иницијатива поднесена од стручни лица од областа на музиката во Струга, на последната седница на Советот на Општина Струга едногласно е изгласано барањето за отворање на основно музчко училиште во Струга.

Оваа одлука е поддржана и од страна на градоначалникот Рамис Мерко. Наредниот месец се очекува Министерството за образование да ја финализира процедурата. Според најавите, основното музичко училиште во Струга ќе започне со работа во учебната 2020/2021 година.

Со отварањето на основно музичко училиште, сите талентирани деца во оваа област ќе имаат можност соодветно да го започнат своето образование од рана возраст и комплетно да се посветат на музиката развивајќи го својот талент. (Крај)

извор: Strugaonline фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука