ВМРО-ДПМНЕ: СДСМ и градоначалникот Георгиески не успеаја да се справат со препораките од УНЕСКО и уривањето на дивоградбите

Охрид, 5. февруари 2020 (ОХРИДПРЕС) – Власта на СДСМ и градоначалникот Константин Георгиески не успеаја да се справат со препораките од УНЕСКО за Охрид и уривањето на дивоградбите, порача на денешната прес конференција Перчо Божиновски, портпатол на ОК на ВМРО-ДПМНЕ од Охрид.

– Зошто Георгиески молчи откако заврши рокот на УНЕСКО за спроведување на активностите?
Граѓаните очекуваат да бидат информирани од Георгиески што им одговори на претставниците од УНЕСКО.
Кој одговор им го даде Георгиески на тројцата претставници од УНЕСКО за дивоградбите изградени за време на прогласениот мораториум? Што им одговори на прашањето за депонијата во Буково? Георгиески да одговори кои мерки се преземени и кои активности се спроведени на терен? Јавноста бара одговор за резултатите од спроведувањето на 19-те препораки за заштита на Охридскиот регион. За жал како што наближува изборниот процес така најверојатно бизнис интересите на власта се поважни од приоритетите на УНЕСКО и заштитата на Охрид. А, и што може да се очекува од уценет градоначалник. Со оваа власт ниту ќе се срушат дивоградбите во Охрид, ниту пак СДСМ има капацитет да воведе ред во Охрид, реагираат од партијата. (Крај)

извор: ОхридПрес фото: ВМРО-ДПМНЕ

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука