Охрид, 15. март 2020 (ОХРИДПРЕС) – Согласно одлуката на Владата на Република Македонија за затворање на Аеродромот „Свети Апостол Павле“ во Охрид, ТАВ Македонија на полноќ го затвори Аеродромот во Охрид, со цел да ги поддржи владините напори за спречување на ширење на Коронавирусот.

– Како аеродромски оператор, за оваа одлука ги известивме сите авиокомпании кои летаат од/до аеродромот „Св. Апостол Павле“ и им го понудивме Меѓународниот Аеродром Скопје како опција за пренасочување на нивните летови. За информации во врска со утрешните летови кои требаше да се реализираат од Охридскиот аеродром, од следните дестинации, времиња на пристигнување и авиокомпании: Виена – 7 часот и 50 минути – Визер, Цирих – 8 часот и 55 минути – Еделвајс, Малме – 17 часот и 35 минути – Визер и
Базел – 18 часот и 30 минути – Визер. Ги замолуваме сите патници да ги контактираат нивните авиокомпании, порачуваат од ТАВ Македонија. (Крај)

извор: ТАВ Македонија фото: архива