COVID-19 Избор Општина Дебрца ТОП ВЕСТИ

Македонец кој работи во Швајцарија донираше 150 социјални пакети засоцијално ранливи лица од Дебрца

Белчишта, 31. март 2020 (ОХРИДПРЕС) – Во време на кризи, каква што е актуелната светска пандемија од корона вирусот, секогаш најголеми херои се хуманите луѓе. Денес, како прв човек на општина Дебрца бев пријатно изненаден од еден таков хуман човек, Александар Голабоски, кој потекнува од село Лешани, а живее и работи со своја градежна фирма во Швајцарија, објави градоначалникот на Дебрца Зоран Ногачески.

– Александар денес ја посети општина Дебрца со донација на 150 социјални пакети, кои ги донираше на општина Дебрца, со намена да се распределат на социјално ранливи лица во општината и лица кои се потешко погодени од кризната состојба. Дополнително, распределил уште 60 социјални пакети во неговото родно Лешани и село Арбиново. Ни рече дека во овие тешки моменти, кои освен закана за здравјето, предизвикуваат и економски последици за граѓаните и државата, наша должност е да се однесуваме одговорно и во служба на јавниот интерес. Со неговата донација сака да ги поттикне и останатите да ја препознаат иницијативата и да ја покажат својата хуманост на дело. Во наредните денови мобилните тимови на општината помошта ќе ја споделат до оние на кои им е најпотребна, а општината од својот буџет ќе обезбеди дополнителни 150 социјални пакети, објави Ногачески.

No photo description available.

Од името на граѓаните на Дебрца тој изрази голема благодарност и длабок поклон до Александар Голабоски за хуманиот гест, со кој покажа како треба да се биде општествено одговорен и солидарен кон оние на кои тоа им е најпотребно.

No photo description available.

– Апелирам до сите да го следат неговиот хуман гест и да помагаат секој на начин на кој што може. Само така, ќе излеземе посилни од оваа глобална криза, потенцира Ногачески. (Крај)

извор: Општина Дебрца фото: Општина Дебрца

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука