Избор Локална самоуправа ТОП ВЕСТИ Туризам

Охридските сместувачки капацитети може да се регистрираат на платформата „Дома си е дома“

Охрид, 22. јуни 2020 (ОХРИДПРЕС) – Сите регистрирани даватели на туристички услуги во Охрид кои се заинтересирани да примаат гости со ваучери за туризам ќе треба да го пополнат формуларот за регистрација. 

Пријавувањето е веќе започнато и ќе трае до 30-ти јуни на овој ЛИНК.

Давателите на туристички услуги кои ги немаат категоризирано своите објекти можат да се обратат во Секторот за туризам и локален економски развој во општина Охрид на телефон 046/262-492 за да закажат термин за прием на документацијата.

На платформата domasiedoma.gov.mk до 5-ти јули ќе бидат објавени сите даватели на туристички услуги кои се пријавиле да бидат дел од програмата.

Издавањето на ваучери за домашен туризам е мерка која беше најавена во третиот пакет економски мерки на Владата за поттикнување на домашната економија и поддршка на туристичко-угостителскиот сектор.

Граѓаните ваучерите од 6.000 денари за домашен туризам ќе можат да ги користат од 15-ти јули до 15-ти декември оваа година. (Крај)

извор: Општина Охрид фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука