Избор Избори 2020 Македонија Партии ТОП ВЕСТИ

Заев: ВМРО-ДПМНЕ ќе остане во опозиција за да си ја обнови партијата

Кавадарци, 4. јули 2020 (ОХРИДПРЕС) – Лидерот на СДСМ, Зоран Заев денеска од Ваташа најави дека за десет дена ќе биде објавен тендер за изградба на патот Градско-Прилеп.

Ќе се избере, рече Заев, нова компанија која ќе ја продолжи делницата, проект што се реализира со Европската банка за обнова и развој.

– Сето тоа што било направено со патот во минатото заради пусти провизии, доведе до катастрофални решенија. Патот беше прекинат бидејќи постојано се правеле анекси, не се водело сметка колку државата ќе плати, а оваа делница е аорта, најважна срцева артерија на целата земја, напомена Заев.

На новинарско прашање како ги коментара изјавите на Александар Николовски од ВМРО-ДПМНЕ околу затворање на германската фабрика „Дрекслмаер“ и проблемите околу изградбата на патот Градско-Прилеп, рече дека ВМРО-ДПМНЕ ќе остане во опозиција за да си ја обнови партијата.

– Кавадарчани, Тиквешијата и сите се сведоци колку нашите противници се изгубени. Ние градиме сериозно, исправаме грешки, пакосни и криминални, бандитски, но верувам дека правиме само добро за нашата земја и така ќе продолжиме, додаде Заев, обвинувајќи ја опозицијата за лаги и негативна кампања.

Според него, најголемата фабрика во Република Македонија која вработува повеќе од шест илјади луѓе и која во време на корона криза дава плати, најавила дека во август ќе го зголеми производството и ќе има нови вработувања. (Крај)

извор: СДСМ фото: СДСМ

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука