COVID-19 Здравје ИЗБОР НА УРЕДНИКОТ Општина Дебрца Охрид Струга ТОП ВЕСТИ

ЦЈЗ Охрид: Од 3-ти до 9-ти октомври во Охрид COVID-19 e дијагностициран кај 22 лица, активни се 42 случаи, оздравеа 14 и почина 1 лице

Охрид, 10. октомври 2020 (ОХРИДПРЕС) – Во интерес на правовремено и точно информирање на населението кое живее на подрачјето на општините Охрид, Дебрца, Струга, Вевчани, Дебар и Центар Жупа, во кои делува, од охридскиот Центар за јавно здравје објавуваат билтен со податоци, информации и препораки за справувањето со вирусот COVID-19 на неделна основа.

Податоци за периодот од 3-ти до 9-ти октомври 2020 година:

– Материјали (брис грло и нос) за тестирање на присуство на COVID-19 земени се од вкупно 134 лица во општините Охрид, Дебрца, Струга, Вевчани, Дебар и Центар Жупа и анализирани се во лабораториите на Институтот за јавно здравје Скопје
– Од вкупно земените материјали, 56 се земени по епидемиолошки индикации (лица кои исполнуваат критериуми за дефиниција на случај), а 78 материјали зе земени при тестирањето со упат од матичен лекар „Мој термин“
– Од вкупно тестираните лица во сите лаборатории во овој период, лабораториски е дијагностицирано присуство на COVID-19 кај вкупно 59 лица и тоа кај 22 лица од општина Охрид, кај 32 лица од општина Струга и кај 5 лица од општина Дебар.
– Во овој период оздравени се 14 лице од Охрид, 22 лица од Струга и 3 лицa од Дебар.
– Во овој период починати се 1 лице од Охрид и 4 лица и тоа од општина Струга
– Активни случаи во Охрид се 42, во Струга 51, а во Дебар 34.

Од почетокот на епидемијата до 9-ти октомври 2020:

-лабораториски е дијагностицирано присуство на COVID-19 кај вкупно 1454 лица во општините Охрид, Дебрца, Струга, Вевчани, Дебар и Центар Жупа, од кои кај 454 лица во општина Охрид и Дебрца, 708 лице во општина Струга и Вевчани и 292 лица во општина Дебар и Центар Жупа.
-оздравени пациенти од Охрид се 391, од Струга се 592, а од Дебар и Центар Жупа се 243 пациенти
-од општина Охрид и Дебарца има 21 починати пациенти, од општина Струга се починати 65, а од Дебар и Центар Жупа се починати 15 лица.

Коронавирусот е се’ уште меѓу нас и во локална трансмисија циркулира со несмален интензитет. Го пренесуваат луѓето кои не се придржуваат кон мерките и препораките за заштита од COVID-19. Во овој момент, единствен начин да се спречи инфекцијата и ширењето на вирусот е строго придржување и примена на превентивните мерки за заштита од COVID-19:

– правилна употреба на заштитна маска
– одржување на социјално-физичка дистанца на растојание не помало од 2 метри
– избегнување на јавни собири и групирања
– често миење/дезинфекција на рацете

Бидете одговорни, порачуваат од охридскиот Центар за јавно здравје. (Крај)

извор: ЦЈЗ Охрид фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука