Струга, 5. јануари 2021 (ОХРИДПРЕС) – На 4-ти јануари 2021 година, во 02:30 часот било пријавено дека на регионалниот пат кај селото Велешта се случила сообраќајна незгода во која е повредено едно лице.

– Незгодата се случила помеѓу патничко возило марка „Даеву Тико“, со битолски регистарски ознаки, управувано од страна на 24-годишниот И.Ј. од селото Велешта и патничко возило „Митсубиши Галопер“, со германски национални ознаки, управувано од 23-годишниот Н.М. од струшкото село Лабуништа. Во незгодата, со тешки телесни повреди се здобил 17-годишен сопатник во возилото „Даеву Тико“, констатирани во Медицинскиот центар во Струга. Извршен бил увид на местото на незгодата од увидна екипа од Полициската станица Струга, информираат од МВР. (Крај)

извор: МВР фото: архива