Избор Македонија Охрид ТОП ВЕСТИ

АМСМ: Возете внимателно, слаб снег на Стража

Охрид, 21. јануари 2021 (ОХРИДПРЕС) – Сообраќајот на државните патишта се одвива непречено по наместа влажни коловози.

Слаб снег провејува на Попова Шапка и на планинскиот превој Стража. Поради ниските температури наместа е можна појава на голомразица.

– Поради изведување работи на пат на магистралниот пат А2 Струга – граничен премин „Ќафасан“ (на потегот од бензиска пумпа ОКТА до влезот во селото Радолишта) брзината е ограничена на 40км/ч. На местото на изведување на работите е поставена соодветна сообраќајна сигнализација. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и за излез од државата, информираат од АМСМ.

Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово-Велес, Маврово-Дебар-Струга, Виница-Берово и Кочани-Делчево.

На сила е законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15-ти март 2021 година. (Крај)

извор: АМСМ  фото: Нова Македонија

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука