Избор Охрид Партии ТОП ВЕСТИ

Пецаков: Очекуваме до крајот на неделата преку 100 илјади граѓани да дадат поддршка за фер, веродостоен и европски попис

Охрид, 22. февруари 2021 (ОХРИДПРЕС) – Денеска е трет ден откако се собираат потписи под мотото „Стави потпис за вистински попис“ насекаде низ Македонија, истакна на денешната прес конференција д-р Кирил Пецаков, пратеник од редовите на ВМРО-ДПМНЕ во Собранието на Република Македонија.

– Денеска на две локации собираме потписи заедно со граѓаните на Охрид, одѕивот е одличен заклучно со вчерашниот ден на ниво на Македонија се собрани 45 илјади потписи и очекуваме дека до крајот на неделата преку 100 илјади граѓани ќе ја дадат својата поддршка за оваа иницијатива. Реалноста е дека не само за пописот и начинот на којшто Законот за попис беше донесен туку и генерално политиките на СДСМ и Заев не добиваат поддршка од народот. Народот сѐ повеќе се приклучува на ВМРО-ДПМНЕ и она што треба да претставува отпор кон начинот на владеење на СДСМ. Самиот Закон за попис на начинот на којшто беше донесен наместо да добиеме статистичка операција добиваме политичка операција е проблематичен затоа што доколку имаме статистичка операција тогаш Македонија ќе може и економски и геостратешки во наредните десет години да планира, а политички очигледно е битен само процентот. Затоа имавме забелешки за овој Закон за попис и баравме да биде со најсовремените технологии спроведен всушност заеднички како што треба да бидат спроведени претстојните локални избори, а тоа е со т.н. отпечаток на прст би биле разрешени и отстранети сите дилеми коишто би ги имале во однос на резултатите коишто би ги добиле од овој попис. Како и да е ние не застануваме тука ова е само еден од чекорите коишто ќе ги преземеме во периодот којшто следува, а сѐ со цел да добиеме попис каков што Макдоднија заслужува по сите европски стандарди, порача Пецаков. (Крај)

извор: ОхридПрес фото: ВМРО-ДПМНЕ

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука