Засилени акциски контроли на СВР Охрид, казнети 13 возачи на автомобили и моторцикли

Охрид, 4. април 2021 (ОХРИДПРЕС) – Со цел зголемување на безбедноста во сообраќајот, на 3-ти април 2021 година, во периодот од 18:00 до 22:00 часот, на подрачјето на СВР Охрид беа преземени засилени акциски контроли.

– Притоа, извршена е контрола врз 49 патнички моторни возила пришто, полициските службеници во Охрид регистрираа и санкционираа 3 лица кои управувале моторно возило под дејство на алкохол, 3 моторциклисти кои не користеле заштитен шлем и 7 возачи кои сториле неправилно паркирање. Во Струга, поради непрописно паркирање автомобил на коловоз, подигнати се 5 возила, во Кичево, регистрирани се 11 прекршоци и едно одземање на моторцикл а во Дебар, евидентирано е едно лице кое управувало возило со помината важност на возачката дозвола, информираат од СВР Охрид. (Крај)

извор: СВР Охрид фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука