Одлична најава за сезоната, бројни гости уживаат во убавините на Охрид (Фото)

Охрид, 24. мај 2021 (ОХРИДПРЕС) – Охрид, најголемиот туристички центар во Република Македонија го остава зад себе продолжениот празничен викенд со солидна исполнетост со гости претежно од земјата, но и странство.

Градот и денес беше исполнет со гости, од кои покрај домашните, најбројни се гостите од Албанија, Србија, Косово и Грција.

Терасите беа полни со гости, а се забележува и солидна исполнетост на рестораните, кафе баровите и останатите угостителски објекти.

Изминатиот викенд е одлична најава за туристичката сезона која е пред нас, која доколку се исполнат најавите, ќе биде успешна за угостителските работиници и економијата воопшто во градот под Самуиловата тврдина. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука