COVID-19 Здравје Избор Македонија ТОП ВЕСТИ

Министерство за здравство: Вчера се вакцинираа 15.424 граѓани

Скопје/Охрид, 14. септември 2021 (ОХРИДПРЕС) – Вакцинацијата против Covid-19 се одвива непречено на сите пунктови низ државата, а во тек е и теренска вакцинација, информираат од Министерството за здравство на Република Македонија.

– Вкупно се аплицирани 1.397.773 дози вакцини, а ревакцинирани се 636.193 граѓани. Вчера вкупно се вакцинирале 15.424 граѓани. Прва доза вакцина вчера примиле 2.728 граѓани. 54% од населението над 40 години имаат примено барем една доза вакцина. 30% од населението над 18-39 години имаат примено барем една доза вакцина. Вакцините се безбедни и ефикасни и се единствениот начин да се победи пандемијата. Само со комплетна вакцинација се спречува тешка форма на болеста и се намалува шансата од заболување како и смртен исход од болеста, додаваат од Министерството. (Крај)

извор: Министерство за здравство фото: Министерство за здравство

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука