ИЗБОР НА УРЕДНИКОТ Охрид ТОП ВЕСТИ

Започна новогодишното украсување на Охрид (Фото)

Охрид, 6. декември 2021 (ОХРИДПРЕС) – Започна украсувањето на Охрид во пресрет на новогодишните празници.

Новогодишни реквизите веќе се поставуваат на кружните крстосници.

Од општина Охрид за Супер радио и OhridPress информираа дека вообичаено ќе се украсува центарот на градот и по главните улици, за што се одвоени околу 20.000 евра, а покрај нови ќе се користат и реквизите од претходните години. Украсувањето на градот го врши ЈП „Охридски Комуналец“.

Нема достапен опис

Градоначалникот на Охрид д-р Кирил Пецаков неодамна изјави дека се најавени голем број туристи од земјата и странство кои новата година ќе ја дочекаат на охридското крајбрежје, па не смее да се дозволи градот да не биде украсен. Најави дека е предвиден и скромен настан на Градскиот плоштад со охридски изведувачи, кои ќе ги забавуваат туристите. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука