ЕКОЛОГИЈА ИЗБОР НА УРЕДНИКОТ Локална самоуправа Охрид ТОП ВЕСТИ

Клубот за подводни дејности „Охрид“ спроведе акција за чистење на Охридското Езеро од цврст отпад кај Трпејца (Фото)

Охрид, 11. септември 2022 (ОХРИДПРЕС) – Клубот за подводни дејности „Охрид“ спроведе акција за чистење на Охридското Езеро од цврст отпад.

Во акцијата која се одржа на потегот пред селото Трпејца и околните плажи учествуваа 15 нуркачи.

– Учествуваа 15 нуркачи од нашиот клуб кои од езерото извадија автомобилски и камионски гуми, големи кутии, многу пластика и останато ѓубре. За подигнување на целото ѓубре беа потребни две доаѓања на трактор. Да ја чуваме чиста животната средина, порачуваат од клубот.

Проектот е реализиран согласно годишната програма за 2022 на Секторот за животна средина и управување со отпад при Општина Охрид, во насока на максимално подигање на јавната свест кај граѓаните за важноста на чистата животна средина. (Крај)

извор: ОхридПрес фото: Клуб за подводни дејности „Охрид“

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука