Избор Охрид Партии ТОП ВЕСТИ

ВМРО-ДПМНЕ: Не престануваат скандалите во Националниот парк „Галичица“

Охрид, 9. јануари 2023 (ОХРИДПРЕС) – Не престануваат скандалите во Јавната установа, Национален парк „Галичица“, како впрочем и секаде каде што СДСМ раководи со институциите, реагираат од ОК на ВМРО-ДПМНЕ од Охрид.

– Откако претходно реагиравме за скандалите поврзани со вработениот шумар сега истиот врши терор, заплашување дека ако под итно не биде вработен неговиот син, кој воедно не ги исполнува условите и има фалсификувани документи, ќе летале глави, како и други закани врз кандидатите, вработените, управниот одбор, но и врз директорот. За да се иронијата и скандалот поголеми, против истиот е отворена предистражна постапка од страна на стопански криминал при СВР Охрид за пустошење на шуми, потпомогнат од мал дел вработени во установата во содејство со општинската СДСМ и моќници од Скопје, реагираат од партијата.

Додаваат дека трудовата инспекција веќе 40 дена не им одговорила на преостанатите кандидати кои во благовремен рок поднеле жалби со прецизни докажани аргументи дека огласот е нелегитимен и дека се протежира кандидат со фалсификувани документи без запазување на матријалното право што претставува кривично дело и со ова во установата се нарушени и работните односи, човековите права и меѓучовечките односи.

– Ова е начинот на кој општинската СДСМ владее преку рекетарски начин спротивно на закон за остварување на личните интереси.
Ја повикуваме Антикорупциската комисија и останатите надлежни институции да го расчистат случајот конечно и да се стави крај на самоволието и хаосот во ЈУНП „Галичица“, стои во реакцијата. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука