Белград, 25. јануари 2023 (ОХРИДПРЕС) – Ракометарите на ГРК „Охрид“ беа подобри од соодветната екипа на РК „Партизан“ и со 26:28 (15:17) ја однесоа победата на пријателскиот натпревар кој се играше во Спортската сала „Бањица“ во Белград.

– Најдобри поединци кај „гладијаторите“ беа Гал Цирар со 7 и Шешиќ и Дрогришки со по 5 гола. Сино-белите покажаа феноменална игра во одбраната. Голема благодарност до домаќините од РК „Партизан“ Белград и се надеваме дека нашата добра соработка ќе продолжи и во иднина, порачаа од ГРК „Охрид“.

Следен пријателски натпревар на сино-белите е во спортската сала „Билјанини Извори“ во Охрид со екипата на Куманово во сабота, на 28-ми јануари 2023 година, со почеток во 15:00 часот. (Крај)

извор: ОхридПрес фото: архива