Поништен повикот за субвенции за нови авиолинии

Скопје, 10. февруари 2023 (ОХРИДПРЕС) – Од Министерството за транспорт и врски информираат дека ќе се распише нов јавен повик за финансиска поддршка за воведување на нови авиолинии.

– Јавниот повик ќе се објави во согласност со политиките на фер и конкурентски услови согласно регулативата на Европска унија, а целта е да се поттикне и развива воздушниот сообраќај во Република Македонија и да се овозможи поголем број на дестинации за граѓаните. Исто така сакаме да информираме дека на јавниот повик кој траеше до 26-ти јануари 2023 година, документација доставија три авиокомпании.
Од страна на Комисија составена од членови од неколку државни институции се изврши евалуација на доставените понуди и притоа Комисијата констатира дека авиокомпаниите не ја доставиле комплетната документација пропишана во условите од јавниот повик, информираат од министерството

Додаваат дека, согласно ова, Комисијата донесе одлука за поништување на јавниот повик.

– Министерството за транспорт и врски, очекува во најбрзо врменски период Комисијата да распише нов јавен повик за финансиска поддршка за нови авиолинии за период 2023-2025 година. Владата на Република Македонија преку Министерството за транспорт и врски е силно посветена на реализација на програмската определба за развој на авиосообраќајот. Нашата цел е да ги искористиме капацитетите што ги нуди Меѓународниот аеродром „Скопје“ и Охридскиот аеродром „Св. Апостол Павле“ и да овозможиме квалитетни услуги со поширок спектар на дестинации за граѓаните преку конкурентни цени на авио билетите, стои во информацијата. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука