Пецаков за Тв 24: Охрид зад себе ја остава една од поуспешните сезони последните години

Скопје/Охрид, 13. септември 2023 (ОХРИДПРЕС) – Годинава, според параметрите, би требало да се надмине бројка на туристи и промет кои се реалзиирале во Охрид, но сумираните резултати ќе ги имаме кон крајот на годината, изјави градоначалникот на Охрид, д-р Кирил Пецаков за емисијата „Студио 10“ на Тв 24.

Тој потенцира дека Охрид зад себе ја остава една од поуспешните сезони во текот на последните години. Пецаков е задоволен и додава дека согласно најавите за исполнетоста на хотелско-угостителските објекти посетители ќе имаме и до средината на следниот месец.

– Во првата половина од годинава бројот на странски туристи пораснал за 46,8% во однос на истиот период лани, покажуваат податоците на Државниот завод за статистика. Во периодот јануари-јуни 2023 година, бројот на ноќевањата е зголемен за 18,8 %. – вели Пецаков.

Кај домашните туристи има намалување за 1,2 %, а кај странските има зголемување за 32,9 %. Во јуни се регистрирани над 110 илјади туристи, од кои 23,5 % биле домашни, а 76,5 % биле странски. Од странските туристи најбројни биле Турците, пред Србите и Полјаците. (Крај)

извор: Тв 24 фото: Тв 24

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука